ەلىمىزدە ەڭ بەلسەندى دەپۋتاتتاردىڭ رەيتينگى جاريالاندى. وتاندىق سوسيولوگتار، ماجىلىستە باتىل مالىمدەمە جاساپ، ۇكىمەتتى ءجيى سىنايتىن 10 حالىق قالاۋلىسىنىڭ ەسىمىن اتادى دەپ حابارلايدى Nur.kz كتك ارناسىنا سىلتەمە جاساپ.

ءبىلىم مينيسترلىگىن اياۋسىز سىناپ جۇرگەن داريعا نازاربايەۆا كوش باسىندا. ۆيسە-سپيكەر ءارى دەپۋتات حالىقتىڭ مۇڭ-مۇقتاجىن ءجيى كوتەرەتىندىكتەن باسقا ارىپتەستەرىنەن وق بويى وزىق شىققان.

شەنەۋنىكتەردىڭ ۇرەيىن ۇشىرماسا دا، كوكشەتاۋلىق مۇگەدەكتى جەكپە-جەككە شاقىرۋمەن اتى شىققان تاڭىربەرگەن بەردوڭعاروۆ تا كۇتپەگەن جەردەن بەلسەندى توپتىڭ قاتارىنا ەنىپتى.

ۇزدىك ۇشتىكتە ءان سالۋدى ۇناتاتىن مۇحتار تىنىكەيەۆ تە بار. كەيىنگى ورىندارعا ءماجىلىستىڭ اقساقالى ۆلاديسلاۆ كوساريەۆ تاعى ءبىر كوممۋنيست ايقىن قوڭىروۆ، ازات پەرۋاشيەۆ، نۇرتاي ءسابيليانوۆ، مايرا ايسينا مەن ماۋلەن اشىمبايەۆ جايعاسقان. تىزىمگە گەيلەرگە اۋقىمدى كۇرەس جاريالاعان اۋعان سوعىسىنىڭ ارداگەرى باقىتبەك سماعۇل دا ەنگەن.

قامشى-اقپارات